من العامية السودانية

هيجت عليا الشوق من تأنى

رجعته الريد الكم حاولته سنين

انساهوا وكم حاولته



سنين ينساني

حركته نسائم البلد الساكن

ريدوا في قلبي وفى وجداني

لي عطبره كم غنيت مفتونك

قلبوا معنى بينشد فيك اغانى

شعلتي القلب المن ذكراهم دأب

في الشوق وأتوله ريد وامانى

وعشقته البلد الخلف من ارحاموا

رقيق ذي طبعك يا انسانى

يا نفح السوسن كم من بعدك

قلبي حزين مفطور بيعاني

يا روح الروح أنا ميت بعدك

وناسي الناس والناس ناسيانى

يا عطبره فيك حبيت جنيت

وأحيت العمر المات من تأنى

وكسرته رتابة الشعر الخامد

وأحييت مؤد الحرف الفاني

ونسجته على أطياف بسماتك كل

حياتي يا شغفي وعشقي ويا ايمانى

يجتره سنين العمر العشتوا معاك

أروع لحظات ساعات وثواني

بتمني الزمن الولي وفات

يرجع بالريد نزهر افنانى

رجعني وشيل من عمري سنين

وديني بلاد ذي الأعياد

تتنفس فرحه وريد وحنين

فيها الأشجار تطرح أسحار

والناس إحساس رقه وإخلاص

حلوين طيبين

يا عطبره كم لي فيك خليل

علمني الريد والشوق والبين

أشجاني خيال أضناني هزال

خلاني أقول موال بالعين

ياعطبره كم غنيت مفتون

لي ناس في رباك

طيبين حلوين

لي ناس في رباك

حلوين طيبين
د





















عوض موسي






الشعر الفصيح

شعر العامية

شعر الحلمنتيش

شعر المناسبات






هل ماتت كل الاشياء

حبيبتي الجنوبية

يا فيض الشعر تعال

لا تغضبي

نعم انا اخاف

شكلة حليب

شايقي في الغربة

رحيل الانسان

سياط الدموع

هيجت الشوق






معقولة بس

ست الشنا

أنا فى أنتظار

شايقي في الغربة

الولية المفترية

نهر الحب

انا بعذرك

هيجت الشوق

معزور انا

شكلة حليب






إغلق النافذة

الشعراء | الدواوين | القصائد | المراسلة | سجل الضيوف | المشرفون | |

Powered by: sudanpoem diwan Version 2.1.0 Copyright ©1999-2010 admin@sudanpoem.net