شباب ود العباس
السلام علبكم ورحمة الله

منتدي شباب ودالعباس يرحب بكم ويتمنا لكم سياحة ممتعة
بين مواضيعه

شباب ود العباس

ودالعباس الاصاله
 
الرئيسيةاليوميةبحـثالأعضاءالتسجيلدخول

شاطر | 
 

 تغريدة نهارية

اذهب الى الأسفل 
كاتب الموضوعرسالة
مصعب صلاح عثمان النور



عدد المساهمات : 1
تاريخ التسجيل : 19/02/2015
العمر : 29
الموقع : المملكة العربية السعودية

مُساهمةموضوع: تغريدة نهارية   الخميس فبراير 19, 2015 7:32 pm

مكن جدآ دون تكليف وبلا استذان يدخل قلبك زول بالصدفة يكون بالجد فعلا انسان يغسل عنك رهف السكة ويسمح دمعك والأحزان يغير كل تاريخ ايامك صورة وصوت وزمان ومكان ويفتح بوابات أحلامك ويغمر روحك نور وأمان ويبدأ يفرهد غصن غرامك وتعلن انت الفرحة أوان ..ممكن جدا يفيض احساسك خير ومودة وشوق وحنان وتبدأ تشوف اللون الوردي وتفتح للآمال دكان يرسم فيك اللوحة الأجمل وليها يكون الهنا ألوان ويكتب ليك القصة الاعمق ويصبح ليها الوفا عنوان تراهن انو الفرصة الاحسن وحتما تكسب اغلي رهان تعيش العشرة معاهو في سترة وليك تتبدي الدنيا جنان ... ممكن جدا تبقي القلطة بداية مرحلة التصحيح ويبقي الأمل إحساس يتمدد ويملأ نضارك بيهو فسيح وتلقي الزول اليسمع ندمك وانت بتحكي عن التبريح يواسي اساك بالكلمة الطيبة وبرضو يوضح رأي صريح زول يهديك اخطاءك وينصح وحتي عتابو جميل ومريح ليك يغسل كل الهم وبيهو تضمد قلب جريح ... ممكن جدا تلقي الزول اليرحم ضعفك ويغفر غلطك وكلو سماح تنوم علي طيفو وتحلم بيهو ومنو بيشرق احلي صباح بيو تستقوي ويبقي الماءوي وتشعر جد انك مرتاح يقوم عوجك يبدي زهجك وزي النور في دربك لاح ضحكتو حلوة ويبقي السلوي ويهمس ليك بي صوت صداح ريقو العسل الطعم عمرك وبلسمو يشفي عذاب وجراح ... ممكن جدا ربنا عوض صبرك خير ورجع ليك السرقو الغير جاك الزول الببقي نصير فيهو شهامة وصدق أصيل في ليلاتك بدر منير يلوح في خاطرك معني جميل وما تترد لحظة وتغلط سرج نحوو الروح والخيل ولسه الدنيا بخير ...ممكن يظهر قلب نبيل وعمرك بيهو يبقى طويل
الرجوع الى أعلى الصفحة اذهب الى الأسفل
 
تغريدة نهارية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب ود العباس :: استراحة شباب ود العباس-
انتقل الى: