من الشايقي//لي عند الخواجة

الشايقية راكبة في القطر وقاعدة جنب الشباك . .
واحد من القاعدين في كنبة النص قال لها:
عليكي الله يا الحاجة بادليني بي محلّك، لأني قاعد أسِفْ وأبزّق
الشايقية: نان أنا قالولك قاع اسِف وابلع؟
**************
رباطابي قاعد جنب شايقي في مطعم
الشايقي بياكل في اللحم صادفو عضم من النوع الكبير المجوف داك
قعد يشفط في المخ لغاية ما عيونو حوّلن
الرباطابي قال ليهو
انت ما تريح نفسك وكفكف اضنيك وخش جواه

*************

هندى صحا من نومه بجرى ويصرخ نهي .. نهي
قالوا ليهو مالك !!
قال ليهم حلمت اني شايقى
***********
شايقى جابوا ليهو خواجة يعلمو الانجليزي
ادوهو شهر .. ومشوا يشوفوا الحصل شنو
دقوا الباب ، فتحلهم الخواجة وقال للجماعه: اناديلكم العوض

****************
شايقى بياكل في قراصة بي ويكي قال بسم الله
جاهو الشيطان قال ليهو اكل اكلك آزول مافى شيطان مشتهي ليهو قراصة هسه
****************
شايقيه ولدها جابها من البلد .. ركبوا الأسانسير في عماره طويله ... الشايقيه قالت لي ولدا دا شنو دا يا ولدي .. قال ليها دا الأسانسير يمه ...
قالت ليهو ما بلقى لي واحد زي دا لي حش التمر